Со автомобилот „Ауди“ кој пред два дена излета од патот Сарај-Рашче и заврши во реката Вардар управувала 23-годишната Н.А. , информираат од МВР. Во трагичната сообраќајна несреќа загинаа четири лица од семејството Арслани од селото Грчец. Преживеа само 5-годишно дете кое излетало од возилото при превртувањето и било најдено од случајни минувачи.

Во возилото кое беше извадено од водите на Вардар биле пронајдени телата на три женски лица, а вчера во близина на несреќата беше пронајдено и безживотното тело на исчезнатото машко лице А.А.

Во трагичната сообраќајка загинаа трите женски лица Н.А. (23), В.А. (25) и З.А. (59) сите од село Грчец, Скопско.

Детето кое беше повредено во сообраќајната несреќа кај Рашче е веќе на домашно лекување.

Полицијата продолжува со истражување на настанот и преземање на сите неопходни мерки за расветлување на сообраќајната несреќа која заврши со човечки жртви.