Израелскиот министер за финансии, Безалел Смотрич, во понеделник изјави дека милитантната група Хамас мора да биде уништена откако ќе бидат вратени заложниците од Газа.

Смотрич рече дека нема да гласа за договор за прекин на огнот со Хамас, објави Ројтерс.

Тој исто така додаде дека се откажал од претходните закани за соборување на владејачката коалиција на израелскиот премиер Бенјамин Нетанјаху.

Светските лидери го поздравија мировниот договор меѓу Израел и Хамас, постигнат со посредство на американскиот претседател Доналд Трамп, нарекувајќи го „историски чекор кон завршување на двегодишната војна во Газа“.

Трамп изјави за Фокс њуз дека очекува заложниците што ги држи Хамас во Газа да бидат ослободени во понеделник.