Женската кошаркарска сениорска репрезентација на Македонија денеска ќе го одигра својот последен натпревар од квалификациите за Евробаскетот кој во 2023 година ќе се игра во Израел и Словенија.

Во салата на СРЦ „Кале“ – Скопје ни гостува една до најдобрите репрезентации на европскиот континент, Белгија.

За таа цел, и во оваа прилика, Македонската кошаркарска федерација ги повикува сите искрени љубители на кошарката, и фанови на нашата најдобра женска репрезентација да дојдат во СРЦ Кале, и да им дадат поддршка на девојките во овој натпревар, за кој влезот ќе биде слободен.

Во соработка со „Sport Klub“, обезбеден е и директен ТВ пренос од натпреварот кој стартува од 18.00 часот.

Потсетување дека во минатото коло кошаркарките предводени од селекторот Александар Ашаданов триумфираа во Сараево над Босна и Херцеговина.

Квалификации ЕП 2023
Шесто последно коло, двојки –

Група „А“
Македонија – Белгија (18.00 часот)
Босна и Херцеговина – Германија (20.00 часот)

Табела:

1. Белгија 9 бодови
2. Германија 8
3. Босна и Херцеговина 7
4. Македонија 6