Во Виена од денеска е потребен негативен тест на коронавирус за посета на фризер или бербер, а тестовите може да се најдат во аптеките и во центрите за тестирање. Пред некои аптеки во австриската престолнина, кои делат бесплатни тестови, беа забележани редици со луѓе.

Слична мерка е воведена и во соседна Словенија и се однесува на косметичките и салоните за масажа. Но, во останатиот дел на Европа, такви мерки не се распространети.

Продавниците, училиштата и музеите во Австрија од денеска се повторно отворени во рамки на ублажување на мерките против епидемијата на ковид-19. Властите истовремено предупредија дека се подготвени на ново заострување на мерките во случај на влошување на ситуацијата.