Тенискиот свет би можел да биде сведок на уште една свадба на играч од топ класата, поточно тенисерка. Претходно шпанскиот тенисер Рафаел Надал стапна на „лудиот камен“, а сега романската тенисерка Симона Халеп (28) од Романија е чекор поблиску до свадба, откако нејзиниот татко му даде „зелено светло“ на нејзиното момче Тони Јурук (40), но по еден услов.

Од младоженецот побарал да се помести свадбата за септември наредната година, односно после учеството на грен слем турнирот „УС Опен“.

Таткото сака неговата ќерка и наредната година да настапува на сите четири грен слем турнири.

Симона и Тони се една година во врска. Тони е инаку Влав со потекло од Македонија. Милијардерот е и сопственик на неколку фирми.

View this post on Instagram

… to you ! #unforgettableday #special #madeit

A post shared by Simona Halep (@simonahalep) on Jul 13, 2019 at 2:50pm PDT

Халеп е една од најпознатите спортски личности во Романија. Моментно шестопласирана на тенисерка ужива во овој спорт.

Лани го освои „Ролан Гарос“, а годинава „Вимблдон“. Минатата година играше во финалето на „Австралија Опен“, додека во 2015 стигна до полуфиналето на „УС Опен“.

Истакнува и дека нејзиниот брак би бил приоритет во животот, а за потенцијалната свадба со Тони вели дека би сакала да се одржи во Романија.