Веста дека холивудските актери Роберт де Ниро (79) и Ал Пачино (83) станaa татковци ја изненади јавноста која е прилично поделена по ова прашање. Социјалните мрежи се преполни со дискусии, а сè посебно го зачини објавата на комичарката и водителка Челзи Хендлер.

Најпрво им честиташе затоа што добија деца на „нежна“ возраст: Пачино неодамна доби дете со 54 години помлада партнерка Нур Алфалах, која претходно беше поврзана со Мик Џегер и Клинт Иствуд.

Роберт де Ниро (79) и неговата 34 години помлада партнерка Тифани Чен минатиот месец го дочекаа своето прво заедничко дете.

ПР-от кој соработува со Пачино и Нур потврдил дека бебето е родено, кој пол е и какво име избрале среќните родители.

„Можам да потврдам дека Ал Пачино и Нур Алфалах добија син, на кој му го дадоа името Роман Пачино“, изјавил ПР на актерот.

Сепак, сите не беа толку воодушевени од оваа вест. Комичарката Челзи Хендлер не ги штедела двајцата актерки, сметајќи дека се на возраст кога треба да си играат со своите внуци (можеби дури и со правнуците), а не со своите деца.

„Каде оди овој свет каде ‘напалените’ старци не престануваат да се размножуваат и зошто по ѓаволите не користат кондоми“, брутално прашала американската комичарка и ТВ-водителка во саркастично видео на Инстаграм.

Споделувајќи ги фотографиите на двајцата актери, како и на Алек Болдвин и Илон Маск, 48-годишната комичарка била многу сурова и не поштедила никого:

„Нова епидемија ја зафати земјата и не, тоа не е уште еден вирус. Уште полошо е – ‘напалените’ старци продолжуваат да го шират своето семе. Не можат да престанат да се размножуваат. Само четворицата имаат 32 деца“, пишува „ЈуЕс магазин“.

Во хумористичното видео за тоа дали „дедовците“ стануваат помлади во улогата на татковци на бебиња или стануваат мета на потсмев на социјалните мрежи, таа исто така изјавила дека нејзиниот „омилен“ Ал Пачино веќе има три деца од претходните врски. Од врската со учителката по глума Џен Тарант, ја добил 33-годишната филмска продуцентка Џули Тарант, која е четири години постара од неговата девојка Нур Алфалах. Тој ги има и 22-годишните близнаци Оливија и Антон од врската со американската актерка Беверли Д’Анџело.

Размислувајќи за мажите кои станале татковци на мали деца на многу зрела возраст, комичарката завршила со прашањето:

„Па, како да ги заштитиме жените во светот од ‘напалени’ старци? Не грижете се. Имам план да го прекинам ова лудило“, рекла таа, додавајќи дека старците кои очајно сакаат да станат татковци уште еднаш кон крајот на нивните животи треба да се стават на аукција, затоа што се антиквитети. Па кој ќе победи нека има односи без контрацепција“.

ФОТО | Ал Пачино „уловен“ со поранешната, додека неговата 54 години помлада девојка е бремена

Роберт де Ниро е татко на шест деца: Oва се неговите важни лекции за родителство

На 79 години: Роберт де Ниро стана татко на седмо дете