Скулптурата на швајцарскиот уметник Алберт Џакомети (1901-1966) би можела да биде продадена на аукција во Њујорк за повеќе од 70 милиони долари, објави во вторникот аукциската куќа „Сотби“(Sotheby’s).

 

View this post on Instagram

 

A post shared by Sotheby’s (@sothebys)

Бронзената скулптура „Голема тенка глава“ (Grande tête mince) е направена и насликана во 1955 година, а од „Сотби“ велат дека го прикажува братот на уметникот Џакомети, Диего.

Сегашниот сопственик го набавил делото откако со години било јавно изложено, а сега одлучил да го стави на аукција.

Делото ќе биде понудено на аукција на 13 мај како дел од традиционалните пролетни аукции во Њујорк. Во 2015 година, скулптурата „Човек покажува со прст“ (L’Homme au doigt) на Џакомети стана најскапата скулптура продадена на аукција во тоа време, со цена од околу 141 милион долари.