Појавата на мувла во кујната е голема непријатност за многу луѓе, особено кога е во близина на храна.

Додека повеќето луѓе редовно ги бришат работните површини и ги мијат подовите, експертите предупредуваат дека постои едно место во фрижидерот кое често останува незабележано и може да биде главниот извор на спори од мувла.

Мелиса Килкојн, менаџер за развој во Виртуелниот колеџ, истакнува дека отворените зачини и сосови се особено проблематични.

„Повеќето неотворени зачини може да се чуваат на собна температура, но откако ќе се отворат, треба да се чуваат во фрижидер. Ако стојат неискористени со месеци, тие стануваат идеална почва за размножување на мувла“, предупредила таа.

Килкојн советува редовно да се проверува содржината на фрижидерот, особено преградата за зачини, бидејќи мувлата што расте таму може да ослободи спори што се шират низ воздухот и да контаминираат друга храна. Се препорачува сите отворени производи да се проверуваат и фрлаат на секои два до три месеци.

Мувлата, сепак, не е ограничена само на фрижидерот. Експертот Џон Кли забележува дека често се појавува во споевите меѓу плочките, каде што е заробена влагата. Како едноставно решение, тој предлага употреба на водород пероксид, кој се нанесува на засегнатото место, се остава неколку минути, а потоа се четка.

Ако тоа не функционира, Кли советува да се направи паста од сода бикарбона и водород. Редовното чистење и проверка на овие скриени места може значително да го намали ризикот од ширење на мувла во вашата кујна и да обезбеди поздрава средина за складирање храна.