Денес го видовме првото големо изненадување на Светското првенство, Саудиска Арабија ја победи Аргентина со 1:2. Аргентинците пред почетокот на Мундијалот важеа за еден од главните фаворити во Катар и овој пораз за нив е вистински студен туш.

Критики по поразот секако добива и селекторот на Аргентина, Лионел Скалони. Скалони не може да прифати дека неговата репрезентација примила два гола за пет минути.

„Тешко е да се прифати дека Саудиска Арабија ни даде два гола за пет минути. Противникот постигна два гола од единствените удари кон нашиот гол. Но, ова е Светско првенство и се случуваат вакви работи. Сега треба да се кренеме и да продолжиме напред сите заедно како група“.

„Знам дека не сметаа за фаворити, треба добро да анализираме денес каде погрешивме. Секоја селекција има лоши денови, нашиот беше денес. Сигурно дека на следните два натпревари ќе одиме на победа“, изјави Скалони.