Првиот светски рекет, Јаник Синер со сигурна победа го започна својот настап н Вимблдон и во првото коло го елиминираше сонародникот Лука Нарди со 3-0 (6-4, 6-3, 6-0) за еден час и 49 минути игра.

Синер беше особено убедлив во третиот сет, кога целосно го надигра Нарди, кој иако солидно парираше во првите два, кон крајот физички падна. Италијанецот така потврди зошто е број 1 на АТП листата и испрати порака дека дојде на Вимблдон со највисоки амбиции.

Пласман во втората рунда обезбедија и Австралиецот Алекс Де Минор, Унгарецот Фабијан Марошан и српскиот претставник Миомир Кецмановиќ.

Изненадувањето на денот го приреди грузискиот квалификант Николоз Басиашвили, кој во четири сета успеа да го елиминира седмиот носител, Италијанецот Лоренцо Мусети.

Третата светска тенисерка елиминирана уште во првото коло на Вимблдон