Јаник Синер по голема борба славеше победа против Александар Зверев од 2:1 и така се пласираше во финалето на Мастерсот во Синсинати, а таму ќе игра против Френсис Тиафо.

Од почетокот до крајот во мечот помеѓу Синер и Зверев гледавме голема борба. Првиот сет се решаваше во тај-брејк во кој Италијанецот беше подобар со 11-9.

Во следниот сет Зверев дојде до израмнување со 7:5, за во одлучувачкиот трет сет одново да гледаме тај-брејк. И повторно Синер беше подобар (7:4) и така стигна до конечна победа.

Место во финалето Тиафо успеа да обезбеди со пресврт откако го изгуби првиот сет против Холгер Руне со 6:4. Во вториот сет беше фуриозен со 6:1, додека третиот го освои во тај-брејк со 7:4.