Пријавување со полно работно време, плаќање прекувремена работа и работа за време на празник согласно Законот за работни односи, задолжителна исплата на К-15, бенифициран стаж и платен годишен одмор од минимум 20 работни дена. Ова се барањата на Синдикатот за угостителство и туризам од каде велат дека за ваквата лоша слика со вработените во овој сектор дошло и поради пропусти на системот за контрола.

– Не отвораме војна против никого, сакаме само да се има слух и за нас и да се преземе конкретно решавање на нашите барања, вели Влатко Николовски од Синдикатот за угостителство и туризам.

Според проценките на Синдикатот, во угостителството се пријавени околу 20.000 работници, а во овој сектор работат околу 70-80.000 работници.

Синдикатот за угостителството и туризмот брои околу четири илјади членови.