Најтрофејниот фудбалски колектив во Македонија, Вардар кој за прв пат во историјата игра во втората македонска лига, денеска ја прекина соработката со тренерот Горан Симов.

Вардарци лошо ја започнаа сезоната во Втората лига, по четири кола „црвено-црните“ имаат само една победа и едно реми како и два порази, поради што менаџментот одлучи ја прекине соработката со Симов. Нов тренер ќе биде досегашниот помошник Никола Глогоров.

„Фудбалскиот клуб Вардар и г-дин Горан Симов договорија прекин на соработката. Клубот се заблагодарува на Симов за досегашната соработка, на резултатите кои ги оствари како тренер на Вардар, и му посакува среќа во понатамошниот тек на неговата кариера. Функцијата в.д шеф на стручен штаб ќе ја извршува досегашниот помошник Никола Глигоров“, стои во соопштението на Вардар.