Најтрофејниот фудбалски колектив во Македонија, Вардар денеска го официјализираше првото засилување за новата сезона, Симеон Христов кој доаѓа од екипата на Работнички.

Христов потпиша едногодишен договор и со „црвено-црните“ ќе се обиде следната сезона да се врати во Првата фудбалска лига. Потписот за најтрофејниот фудбалски клуб, значи враќање за Христов во Вардар по пауза од 12 години.

Во кариерата Христов има играно и за Тиквеш, Борец, Македонија ЃП, играше и за Тетекс, Брегалница, Пелистер. Има и интернационална кариера и беше член на Вашаш, Егри од Унгарија, потоа во Јужен Мјанмар и шест месеци беше дел од албанска Влазнија.

Претходно Вардар објави дека Бобан Грнчаров ќе седи на клупата на „црвено-црните“ идната сезона.