Триесет и осмото издание на традиционалниот Охридски пливачки маратон беше прекинато предвреме, откако невреме го зафати регионот околу Охридското Езеро, принудувајќи ги организаторите да ја стопираат трката поради безбедносни причини.

Пливачите до моментот на прекинот изминаа половина од 25-километарската патека, но поради силните бранови и ветрови кои дополнително ја отежнаа трката, беше донесена одлука за прекин во интерес на здравјето и безбедноста на натпреварувачите.

Трката започна утрово кај манастирот „Свети Наум“, со вкупно 16 пливачи на стартот, десет во машка и шест во женска конкуренција. Годинава, учесници пристигнаа од шест различни земји, што уште еднаш го потврди меѓународниот карактер на оваа реномирана спортска манифестација.