Осмата тенисерка во светот, Ига Швјонтек, денеска се пласираше во финалето на турнирот во Бад Хомбург, Германија, откако по два сета ја победи Италијанката Јасмин Паолини со 6:1, 6:3.

Швјонтек ја совлада четврторангираната тенисерка во светот по еден час и седум минути игра.

Полската тенисерка пет пати направи брејк на сервисот на противничката, дозволувајќи ѝ еден брејк на Италијанката.

Во финалето, Швјонтек ќе игра против Американката Џесика Пегула која по пресврт триумфираше во второто полуфинале против Линда Носкова од Чешка..

Првиот сет ѝ припадна на Носкова која во тај-брејк беше подобра со 7:2, а следните два сета ги освои Пегула со 7:5 и 6:1.