Денеска од лекарскиот тим во шведската репрезентација информираа дека крилниот напаѓач на Јувентус, Дејан Кулушевски е позитивен на ковид-19.

Причина поради која фудбалерот на „Старата дама“ ќе го пропушти првиот натпревар на Европското првенство против Шпанија.

И „црвената фурија“ има проблеми со коронавирусот, односно за споменатиот меч нема да може да смета на Серхио Бускетс, кој исто таке е во изолација.

Дербито во Севиља помеѓу Шпанија и Шведска ќе се игра на 14 јуни во рамките од првото коло во групата „Е“ каде што се наоѓаат уште Полска и Словачка.

– Веруваме дека Дејан се зарази за време на одмор. Утрово тој се пожали на настинка, па направи ПЦР-тест кој се покажа како позитивен. Се надеваме дека не пренел зараза на никого – рече докторот на шведската репрезентација, Андерс Валентин, додавајќи дека Швеѓанецот со македонско потекло ќе мора да биде изолиран една недела.