Неодамна по елиминацијата на ЦСКА Москва од тимот на Локомотив Кубан во плеј-офот на ВТБ лигата претепан беше еден од најдобрите кошаркари на овој тим Алексеј Швед.

Швед беше претепан пред ресторан и тоа во друштво на неговата сопруга. Сега за првпат за руските медиуми тој го објасни инцидентот, напаѓачите биле бесни обложувачи кои изгубиле пари играјќи на ЦСКА.

„Момците се обложиле на ЦСКА Москва и изгубиле многу пари. Во тие моменти јас бев со мојата сопруга, тие не опколија и почнаа прво да нѐ навредуваат, а потоа бевме изнесени надвор од ресторанот и мене физички ме нападнаа.

Не сакав да влегувам во физичка пресметка и ѝ реков на сопругата да си одиме, но тогаш почнаа да ме удираат. Паднав и се здобив со тешки повреди, сега ситуацијата е подобро и се опоравувам“, изјави Швед.

ВИДЕО | Се појави снимка од претепувањето на рускиот кошаркар Алексеј Швед

Емил Рајковиќ го посети претепаниот Швед во болницата