Швајцарските власти објавија колку камата ќе треба да платат УБС и Кредит Суис за 250 милијарди швајцарски франци доделени од Берн за да ја спасат проблематичната банка, објави Ројтерс.

Кредит Суис ќе мора да плати каматна стапка од 1,5 отсто плус 0,5 отсто за пристап до шемата за итна помош за ликвидност, објави централната банка на земјата. Банката претходно овој месец соопшти дека има намера да позајми до 50 милијарди франци од шемата, која бара заемите да бидат обезбедени со средства како што се хипотеки и хартии од вредност.

Како дел од операцијата за спасување на Кредит Суис, двете банки добија и пристап до дополнителна ликвидност до 100 милијарди франци. На банките им се доделува помош од централната банка со каматна стапка од 3 отсто, јави БТА.