При воведувањето одреден начин на исхрана, независно од тоа дали станува збор за диета или едноставно на промена на внесот на храна, целта на таквите промени речиси секогаш е иста, а тоа е внесување промени во начинот на исхрана, кои би требало да иницираат побрзо, полесно и поефикасно согорување на вишокот маснотии од телото.

Но, ретко некој се прашал каде одат тие маснотии откако ќе бидат согорени?

Според едно истражување, една од најчестите заблуди што е вкоренета во свеста на луѓето е дека мастите од организмот се претвораат во енергија. Други, пак, сметаат дека согорените маснотии одат во мускулите, а трети и најмалубројни сметаат дека тие се исфрлаат од телото преку изметот.

Сепак, ништо од ова не е вистина.

Мастите се делат на јаглерод диоксид и вода при метаболичките процеси при диетите. Тоа значи дека еден дел излегува преку дишењето, а другиот преку лачењето течности, односно преку урината и потта.

Така, слободно може да се каже дека килограмите што ги губиме, во поголем дел ги издишуваме.

Потврда на ова тврдење е сознанието дека секоја хранлива материја во основа е комбинација на вода и јаглерод диоксид, неоргански материи од кои се создава органска храна при процесот на фотосинтеза. Затоа, сосема е логично и исправно сознанието дека храната што почнала од тие две материи, на крај ќе се разложи токму на нив.