Агенцијата на ЕУ за контрола на болести има добри и лоши вести кога станува збор за ХББ.1.5, подваријанта на коронавирус под прекарот „кракен“, која се шири во Америка и ги држи епидемиолозите будни во текот ноќта, пишува „Политико“.

Лошата вест е дека XББ.1.5 брзо се шири, најверојатно затоа што има некои големи предности во однос на тековно доминантните соеви на омикрон. Добрата вест е дека Европа има време да се подготви ако и кога заразениот број ќе почне да расте.

„Постои можност оваа варијанта да има сѐ поголем ефект врз бројот на заболени од ковид-19 во ЕУ/ЕЕО, но не и во наредниот месец, бидејќи варијантата во моментов е присутна само на многу ниско ниво“, пишува Европскиот центар за превенција и контрола на болести (ЕЦДЦ) во својата проценка.

ХББ.1.5 првично е откриен во октомври 2022 година. Тоа е најпреносливата подваријанта досега, според д-р Марија Ван Керкова, технички директор на СЗО за ковид-19.

Во средата, техничкиот директор на Светската здравствена организација (СЗО) за ковид-19 Марија Ван Керхова рече дека здравствената агенција е загрижена што оваа подваријанта циркулира пребрзо, давајќи ѝ повеќе можности за промена, нејзината брзина со која оваа подваријанта ги заменува другите варијанти. Во САД, помина од 4 отсто од секвенционираните случаи на 40 отсто за неколку недели, според координаторот за одговор на ковид на Бела куќа.

Сепак, сè уште не е познато дали може да предизвика потешка инфекција.

ЕЦДЦ пишува дека забрзаното темпо на ширење е веројатно последица на можноста на подваријантата да ја избегне заштитата на имунолошкиот систем обезбеден од претходни инфекции или вакцинирање. Исто така, има мутација на својот шилест протеин – дел од вирусот што се врзува за клетките на домаќинот – што може да обезбеди одредена предност.

Оваа субваријанта е само „трепет на радарот во Европа“ во однос на бројот на случаи, наведе ЕЦДЦ иако беше откриена во Данска, Франција, Австрија, Холандија, Германија, Италија, Шпанија, Шведска, Исланд, Белгија, Чешка, Португалија и Ирска. Податоците што доаѓаат од САД сугерираат дека XББ.1.5 агресивно се шири, при што случаите се удвојуваат на секои девет дена.

Опасноста е дека експлозијата на случите се совпаѓа со веќе тешката сезона на грип и респираторниот синцицијален вирус, кој ги оптоварува болниците. Во Белгија, властите за јавно здравје прогласија епидемија на грип поради зголемувањето на случаите, а кулминацијата се очекува за три или четири недели.

Како што тврдат официјални лица, новата варијанта е означена како „најпренослив сој откриен досега“, а Америка веќе ги почувствувала тешките последици од вирусот на сопствената кожа. Покрај САД, „кракен“ веќе стигна и до неколку европски земји кои стравуваат од повторно воведување мерки и карантин.

Сепак, само затоа што оваа подваријанта предизвика експлозија на случаи во Соединетите Држави, тоа не значи дека такво сценарио ќе се случи и во Европа.