Јогуртот е еден од најомилените избори за појадок или ужина, но дали сте знаеле за предностите и потенцијалните проблеми од секојдневното консумирање?

Преполн со пробиотици, калциум, цинк и витамини од групата Б, јогуртот е одлична опција за хранлив оброк или вкусно смути, а стручњаците истакнуваат дека е клучно да го изберете вистинскиот вид на јогурт.

Органскиот грчки јогурт се препорачува за оние кои толерираат млечни производи, бидејќи има повеќе протеини и може да обезбеди чувство на ситост. Сепак, треба да внимавате на додадените шеќери, особено во ароматизираните јогурти.

Диететичарката Лорен Кели ја нагласува важноста од контролирање на внесот на шеќер и истакнува дека јогуртите, особено оние без маснотии, често содржат додаден шеќер, кој може да биде штетен за здравјето. Обрнете внимание на содржината на производот и обидете се да го ограничите внесот на шеќерот под 10 грама.

Таа смета дека некои луѓе можат да јадат јогурт секој ден, додека други не – особено ако се нетолерантни на лактоза.

„За некои, млечните производи не се добри поради здравствени проблеми на цревата, а потоа ќе ги излекуваат цревата и подоцна ќе можат добро да толерираат одредени видови“, вели Кели.

Важно е да внимавате како се чувствувате по консумирањето јогурт. Кели вели дека по консумирањето треба да се чувствувате добро.

„Ако се чувствувате полни со енергија и имате редовно варење час или два по оброкот, тоа е добар знак, но ако се чувствувате подуени, имате запек или како секогаш да трчате кон тоалетот, веројатно нешто не е во ред“.

Секојдневното консумирање јогурт може да ви пружи бројни предности.

Јогуртот може да ви помогне да се чувствувате сити и на тој начин да придонесе за намалување на внесот на калории и да помогне во контролата на тежината.

Богат е и со пробиотици кои можат да го подобрат здравјето на цревата, да го намалат воспалението и да го подобрат варењето. Меѓутоа, за луѓето со прекумерен раст на бактериите во тенкото црево (СИБО), јогуртот може да биде контрапродуктивен.

Важно е да го слушате своето тело по консумирањето на јогуртот. Дали се чувствувате енергично или тромо? Диететичарката Кели предупредува дека доколку почувствувате непријатност или дигестивни проблеми (со варењето), јогуртот можеби не е оптималниот избор за вас.

А, колку јогурт е премногу?

Експертите предупредуваат на вишокот додаден шеќер во јогуртите, што може да го зголеми ризикот од хронични болести. Се препорачува да се ограничи внесот на шеќер на препорачаното ниво за да се одржи здравјето.

Заклучок, секојдневното консумирање јогурт може да биде здрав додаток во исхраната. Изборот на вистинските видови јогурт, со умерен внес на шеќер и слушање на сопственото тело се клучни фактори за постигнување на најдобри резултати.

Бидете свесни за вашите нутритивни потреби и уживајте во јогуртот како хранлив избор за вашиот секојдневен живот.