Светската здравствена организација (СЗО) досега не добила ниту една дојава за заразено куче, што значи дека кучињата, како и мачките, не можат да го пренесуваат коронавирусот.

Кинолозите наведуваат дека домашните миленици не можат да ве заразат со овој вирус.

Постојат повеќе видови на вируси кои ги погодуваат животните, но тие се пренесуваат од животните на животните, но ниту во еден случај не можат да се пренесат на луѓето.

Не постои ниту еден доказ дека домашните животни, пред се мачките и кучињата, го пренесуваат коронавирусот, и не е познат ниту еден случај домашните животни да заболеле од овој вирус.

Многу мачки во себе го носат „мачешкиот вирус“ корона и таа инфекција не им предизвикува никакви здравствени тешкотии.

Таканаречената „мачешка корона“ станува опасна за мачките во многу мал број на случаи, но таа корона нема никаква врска со Ковид-19 вирусот кој во моментот владее во светот меѓу луѓето.

Експертите напоменуваат дека домашните миленици многу тешко можат да се разболат од „човечките болести“.