Новак Ѓоковиќ се наоѓа во „притвор“ во Мелбурн каде ја чека одлуката на федералниот суд дали ќе биде протеран од Австралија или ќе добие можност да ја брани титулата на гран слем турнирот.

Првиот тенисер на АТП ранг листата, во Австралија се обиде да влезе со медицинско изземање кое им овозможува на невакцинираните лица против коронавирус да се движат без ограничувања.

Според податоците објавени на страницата на министерството за здравство на Австралија, медицинско изземање од вакцинација според прописите на австралиската техничка група за советување за имунизација важи во следните ситуации:

– Во случај на акутна медицинска состојба, каква што е тешка операција или сериозна болест.
– Во случај на претходно прележана САРС КоВ-2 инфекција потврдена со ПЦР тест со што е можно вакцинацијата да се одложи за шест месеци.
–Секоја нуспојава или непосакуван ефект кој настанал како нуспојава од ковид-19, без идентификувана дополнителна причинаи без прифатлива алтернативна вакцина.
– Доколку лицето е опасно по себе и околината по вакцинацијата.

Ова е опишано како „независен процес“ каде одлуката ја носи лекарска комисија составена од експерти од областа на имунологијата, инфективните болести и лекари по општа пракса.

Пред да тргне за Мелбурн, Новак Ѓоковиќ доби зелено светло за медицинско изземање од две независни лекарски комисии, на Австралија Опен и на сојузната држава Викторија.

Тенисерите му даваат се поголема поддршка на Новак: Срамота е тоа што му се случува на Ѓоковиќ