По завршувањето на полуфиналните натпревари, и Франција и Аргентина ќе се борат за својата трета светска титула. Французите беа најдобри во 1998 и 2018 година, а Аргентинците во 1978 и 1986 година.

Аргентина и Франција во недела на 18 декември ќе играат во финалето на Светското првенство во Катар, а еден ден порано в сабота од 16.00 часот за бронзата ќе играат Хрватска и Мароко.

За Лионел Меси ова е последна шанса со Аргентија да дојде до титулата, а неговиот соиграч од ПСЖ Килијан Мбапе со Франција ќе се обиде да остане на тронот.

Исто така, покрај репрезентацијата победник, ќе видиме кои ќе бидат прогласени за најдобар играч на СП, најдобар голман и најдобар стрелец.

Во трката за најдобар стрелец моментно најефикасни се Меси и Мбапе со по пет голови, а по еден имаат Хулиан Алварез (Аргентина) и Оливие Жиру (Франција).

Во случај повеќе играчи да имаат ист број на голови по завршувањето на СП, пропозициите на ФИФА велат дека првиот критериум е наградата да ја добие играчот со најмногу асистенции (моментно Меси има три, Мбапе две). Следниот критериум е наградата да оди кај оној што одиграл најмалку минути.

ВИДЕО | Франција за злато против Аргентина, Мароко испратен во битката за бронза