Шпанскиот крал Филип Шести и кралицата Летиција присуствуваа на гала вечера во Загреб организирана од претседателот Зоран Милановиќ и неговата сопруга Сања Мусиќ Милановиќ во нивна чест.

Кралицата Летиција, која заедно со принцезата од Велс, Кејт Мидлтон, важи за стилска икона, за оваа свечена пригода избра црн фустан со едно рамо, а посебен шарм на овој едноставен аутфит дава сребрениот детал што го придружува фустанот.

Целиот изглед на шпанската кралица беше комплетиран со ефективна шминка и сребрени обетки.

Таа во свечената сала на кабинетот на претседателот на Хрватска ги украде сите симпатии на присутните, а луѓето не можеа да поверуваат колку е поубава шпанската кралица во живо.