Шпанската полиција во акција под кодно име Грајуела (вилица) разби една од најголемите мрежи за шверц на дрога, кога запрела брод натоварен со 1.200 килограми дрога. Меѓу неговиот екипаж бил и српскиот државјанин Радомир З., кој бил задолжен за чување на залихи во име на источноевропската организација до која била испратена оваа пратка вредна 20 милиони евра, пишува српски Курир.

Радомир З. бил уапсен на 5 април, откако паднал во морето, бидејќи со нож нападнал член на екипажот кој се обидел да го фрли кокаинот во водата кога полицијата го опколила нивниот брод. Според медиумите, бродот го преминал Атлантикот за да се закотви на следната дестинација, Египет, откако го преминал Гибралтарскиот теснец.

„Како што се приближувал до полуостровот, некаде меѓу Хуелва и Кадиз, полицијата ги пресретнала. На „нарко-бродот“ биле двајца Галицијци и еден човек од Кадиз, со прекар Ел Рубио, и Сантијаго Р., од Камбадос. Тие наводно биле галицијски актери“,пишува порталот „Лавоздегалиција“.

Тие , на отворено море дошле до брод од каде што извадиле најмалку 627 килограми кокаин од 1.200 натоварени, пред да испловат од колумбиските Кариби. Србинот Радомир З. се качил на едрилицата со двајца Галицијанци и еден човек од Кадиз за да продолжи да се грижи за безбедноста на залихите. Бродот со дрогата потоа се упатил кон Шпанија. Патот до Полуостровот бил мирен. Сепак, на 5 април тие беа пресретнати од полициски чамци и хеликоптери.

Еден од двајцата Галицијанци сметал дека решението за нивните проблеми е да ја фрлат дрогата во море.

„Имаше малку бали, помалку од пет, но тоа го изнервира Радомир З., кој всушност требаше да ја следи дрогата и да го чува секој грам со својот живот. Според информациите од истрагата, Радомир потоа се фрлил на човекот кој ја фрлал дрога во морето и го нападнал со нож. Во таа прилика тој му задал неколку расекотини и удари, додека возачот на чамецот се обидувал да и побегне на полицијата. Радомир во еден момент паднал од чамецот и завршил во морето. Полицијата веднаш го уапсила и продолжила потерата по чамецот“, пишуваат медиумите.

Има и видео снимки од агенти на Цивилната гарда како ги собираат балите кои стигнале до брегот. Недалеку, двајца Галицијанци, едниот со расекотини по телото по тепачката со Радомир З. и граѓанин на Кадиз успеале да дојдат до копно, го истовариле чамец од речиси сите залихи и продолжиле да трчаат. Десет дена подоцна, минатиот понеделник, тие беа уапсени.