Кошаркарите на Партизан го претрпеа шестиот пораз во Евролигата сезона и четврти на домашен терен откако вечерва Олимпија Милано беше подобра со 81:88.

„Црно-белите“ одиграа уште еден натпревар во кој не беа на нивото. Денеска не успеаа да слават иако во еден момент од натпреварот имаа и 12 поени разлика.

Олимпија Милано клучната разлика ја направи со серијата од 7:0 кон средината на последната четвртина (82:76). Партизан се обиде во финишот да се доближи, меѓутоа немаше сили за некаков пресврт.

Македонскиот репрезентативец, Ненад Димитријевиќ за разлика од некои дуели претходно одигра само девет минути и постигна три поени и тоа во почетните минути.

За разлика од Димитријевиќ Ти-Џеј Шортс вечерва блескаше и беше најдобар на теренот во победата на Париз на гости кај Барселона од 87:103. Шортс го заврши натпреварот со 24 поени, девет асистенции и еден скок.