Фудбалерите на турскиот Трабзонспор нема да има можност да играат во Лигата на шампионите наредната сезона, одлучи Судот за спортска арбитража (ЦАС) во Лозана.

Судот во Лозана ја отфрли жалбата на Трабзонспор кој сезонава заврши како второпласиран во турската Суперлига веднаш зад новиот шампион Башакшехир.
„Претходната одлука која ја донесе УЕФА е потврдена и Трабзонспор не смее да игра во европско натпреварување една сезона“, објави ЦАС.

Трабзонспор со ваква одлука и суспензија се соочуваше уште минатото лето поради кршење на финансискиот фер-плеј во 2016 година.

Турскиот тим имаше рок до 2019 година да ги исправи работите, но оваа одлука е доказ дека тие не ги почитувале препораките и насоките на УЕФА.
Одлуката беше донесена пред неколку месеци, но Трабзонспор се жалеше, а во меѓувреме ја загуби трката за титулата во турската Суперлигата и сега остана без настап во Европа.

На местото на Трабзон во квалификациите за Лигата на шампионите ќе игра Бешикташ, додека Сиваспор, Аланија и Галатасарај ќе играат во Лигата на Европа.