Пејачката Шакира наводно не е заинтересирана за романтична врска со актерот Том Круз и покрај гласините кои се шират последните недели.

Откако беа забележани заедно на трката за Големата награда на Формула 1 во Мајами претходно овој месец, започнаа шпекулации за можноста двајцата да се забавуваат. Неодамна се ширеа гласини и дека Том е исклучително заинтересиран за Шакира и дека е „очаен“ да излегува со ѕвездата и покрај тоа што таа, наводно е „фокусирана на нејзиното семејство“, пишува Мирор (Mirror).

Имено, Том наводно бил „многу нервозен“ кога ја запознал пејачката, која минатата година раскина со Жерар Пике . Магазинот Хит (Heat) известува дека Шакира „го молела Том да престане да флертува со неа“, цитирајќи извор кој даде дополнителни коментари за нивната интеракција овој месец.

Изворот рекол дека двајцата се познавале со години и никогаш не поминале време заедно во „опуштена средина“ до средбата на Формула 1 овој месец. Изворот откри дека Том бил „нервозен“ кога таму ја запознал Шакира.