Шабани: Струга Трим Лум максимално се подготвува за натпреварот против Македонија ЃП
Во сабота од 14.00 часот во рамките од деветтото коло во Првата македонска фудбалска лига составот на Струга Трим Лум ќе гостува кај екипата на Македонија ЃП.
Препорачано
-
1
-
2
-
3
Од почетокот на сезоната стружани предводени од тренерот Срѓан Захариевски знаат само за победи, моментно се водечки на табелата со 24 бодови, додека ѓорчепетровци се на седмата позиција со осум бодови.
Фудбалерот на Струга Трим Лум, Буњамин Шабани очекува еден интересен натпревар против Македонија ЃП.
– Нè очекува еден интересен натпревар со многу квалитетен противник. Сите веќе знаеме дека добро ја започнавме оваа сезона, но можам да кажам дека изминатите натпревари ги оставивме зад нас. Секој следен натпревар е од уште поголемо значење, па и за мечот со Македонија Ѓ.П максимално се подготвуваме да го дадеме најдоброто од нас – вели Шабани.
Прва македонска фудбалска лига
Деветто коло, двојки –
Сабота
14.00 часот Македонија ЃП – Струга Трим Лум
15.00 часот Брегалница Штип – Работнички
Недела
15.00 часот Победа – Шкендија
15.00 часот Шкупи – Силекс
15.00 часот Тиквеш – Скопје
Табела:
1.Струга Трим Лум 24 бодови
2.Силекс 14
3.Шкендија 12
4.Шкупи 11
5.Брегалница Штип 11
6.Тиквеш 10
7.Македонија ЃП 8
8.Академија Пандев 7
9.Работнички 7
10.Победа 4
11.Скопје 4
