Кошаркарите на Црвена звезда ќе добијат нов тренер, а според неофицијални информации на Телеграф, тоа ќе биде Саша Обрадовиќ.

Актуелниот тренер Јанис Сферопулос добил отказ по лошиот старт на сезоната, во која црвено-белите загубија на првите три натпревари. Сепак, се очекува тој да го води тимот уште на претстојниот натпревар против Фенербахче во Истанбул, по што официјално ќе го заврши својот престој во Белград.

На негово место доаѓа човек добро познат на навивачите – Саша Обрадовиќ, поранешен тренер и легенда на клубот. Во својот претходен мандат, Обрадовиќ не успеа да остави силен печат.

Сега, Обрадовиќ се враќа со јасна цел – да го врати тимот на победнички патеки и да ја стабилизира формата на екипата во регионалната АБА лига и Евролигата.

Преземено од: Спорт.ком.мк