Севернокорејскиот лидер Ким Џонг-ун присуствуваше на церемонијата на лансирање на „новиот повеќенаменски разурнувач“, објави државниот медиум КЦНА. Воениот брод тежок 5.000 тони, опремен e со „најмоќното оружје“ и е изграден „во рок од околу 400 дена…со наши сопствени сили и технологија“, изјави Џо Чун-Рјонг, секретар на владејачката Работничка партија, цитиран.

Ким, во говорот на лансирањето, пренесена од КЦНА, рече дека воениот брод ќе и биде предаден на морнарицата и ќе стапи во служба на почетокот на следната година. Лансирањето се случи во петокот во поморското бродоградилиште Намфо и означи нова ера на „голема флота во стилот на Ким Џонг-ун“, објави KCNA, цитирајќи го вицеадмиралот Пак Кванг-соп. Бродот беше оценет како „класа Чое Хјон“ именувана по антијапонскиот револуционерен борец Чое Хјон, се додава во извештајот.

Претходно овој месец, Ројтерс објави дека новата класа на воени бродови на Северна Кореја се способни да носат десетици вертикални ќелии за лансирање за да носат проектили што нејзината војска веќе ги има развиено, повикувајќи се на анализа на сателитски снимки.