Хрватската пејачка Северина Вучковиќ веќе една деценија води битка со поранешниот партнер Милан Поповиќ за старателството над синот Александар.

За време на нејзиното гостување босанската емисија „Конечно петок“, пејачката изјави дека, според неа, Поповиќ и сите нејзини поранешни партнери се сѐ уште вљубени во неа.

Разговорот за Поповиќ започна откако водителката ја праша Северина како успева да биде толку силна и покрај немилите настани кои ѝ се случуваат во животот.

„За да пукнат душманите. Драго ми е што, после сите немили настани, јас не се изгубив себеси и не се удавив во горчина. Навистина, можев да седам во својата фотелја еден месец и да следам што ми се случува. А никогаш не измислував работи, веројатно сум од оние луѓе на кои нештата сами им се случуваат, без да ги посакуваат“, изјави пејачката.

„Всушност, тоа се трпи сѐ до моментот кога ќе добиете дете. Но, сѐ ова што ми се случуваше во последните десет години, сите овие маки… Јас сѐ уште го издржувам. Сепак, сега се навикнав, тоа е како чир на желудникот. Секој има своја битка, јас го имам ова каменче во чевелот“, додаде Северина.

На прашањето: „Дали некогаш другата страна ќе рече – доста е?“, пејачката одговори со: „Не“.

„Јас мислам дека не. Тој сѐ уште толку многу ме сака, што не може да му помине еден ден без мене. Тоа беше моја желба уште од мала. Сама се проколнав со мојата желба – сите оние кои ќе се вљубат во мене, да се вљубат засекогаш. Баш се сетив на тоа пред две години“, одговори таа.