И покрај сите гласини дека поради немање хемија со Џејсон Момоа, колегата во филмот „Aquaman“ и незадоволството кај публиката која покрена петиција за исклучување на Амбер Херд од филмот, актерката сепак ќе се појави во новото продолжение.

Студиото „Ворнер брос“ оваа недела потврди дека Амбер Херд ќе ја репризира улогата на Мера во новото продолжение на „Aquaman“, откако минатата година почнаа да кружат гласини на интернет дека актерката е исфрлена од филмот.

Студиото го претстави првиот трејлер за филмот „Aquaman and The Lost Kingdom“ на „СинемаКон“, најголемиот и најважен собир за светската кинематографија. Во трејлерот, кој се уште не е објавен, ликот на Мера е прикажан во две кратки сцени, а сè уште не е познато колку време на екранот ќе има Херд.

За време на судењето за клевета со нејзиниот поранешен сопруг Џони Деп, актерката изјави дека голем дел од нејзината улога е отстранета од сценариото на првиот филм.

„Толку се борев да останам во филмот, но тие не сакаа. Го добив сценариото. А потоа ми дадоа нови верзии на сценариото во кои беа исфрлени акционите сцени со двата лика како се борат еден со друг“, изјави Херд.

Во јуни 2022 година, исто така, се шпекулираше дека студиото не ја повикало Херд за продолжението и дека се во процес на преработка на улогата на Мера. Иако Херд негираше дека е целосно исфрлена од новиот филм, гласините за промена на актерката добија веродостојност дури кога тогашниот шеф на „“, Валтер Хамада, сведочеше за време на судењето дека размислувале да ја сменат актерката поради недостаток на „природна хемија“. со колегата Џејсон Момоа кој ја има главната улога.

Хамада потоа објасни дека прашањето за промена на актерката било поставено веднаш по завршувањето на снимањето на првиот дел, а не поради судскиот процес во кој учествувала Херд. Тој, исто така, ги негираше тврдењата дека сцените со ликот на Мера за време на снимањето биле драматично намалени, вклучително и отстранувањето на акциона сцена, и изјави дека ликот бил вклучен толку, колку што било планирано од самиот почеток.

Херд за првпат ја портретирашт Мера во „Justice League“ од 2017 година, а новото продолжение би требало да се појави во кината на крајот на оваа година.