Меѓународен тим на научници објави дека успешно извлекле ледено јадро од Антарктикот старо 1,2 милиони години. Научниците ископале дури 2,8 километри земја за да стигнат до јадрото, а како што пренесува „АП“, анализата на овој мраз ќе покаже како еволуирале атмосферата и климата на Земјата, како и да обезбеди увид во тоа како се менувале циклусите на леденото доба.

Италијанскиот координатор на проектот Карло Барбанте рече дека благодарение на леденото јадро, научниците ќе разберат што се променило во однос на стакленички гасови, хемикалии и прашина во атмосферата.

Истиот тим претходно дупчеше јадро старо околу 800.000 години, а работниците дупчеа секое лето четири години на просечни температури од околу минус 35 степени.

Италијанскиот истражувач Федерико Ското, кој беше меѓу техничарите кои го завршија дупчењето на локацијата наречена „Мала купола Ц“ во близина на истражувачката станица Конкордија, рече дека моментот кога стигнале до јадрото бил одличен момент за целиот тим.

Европската унија го финансираше Европскиот проект за ископување мраз на Антарктикот (Beyond EPICA) со поддршка од нациите од целиот континент, со Италија како координатор на проектот.

Климатологот Ричард Али од Пен Стејт, кој неодамна го доби Националниот медал на науката за неговото проучување на ледените плочи, рече дека напредокот во студиите за ледените јадра е важен бидејќи им помага на научниците подобро да ги разберат климатските услови низ историјата.