Американскиот тенисер Тејлор Фриц ја освои првата мастерс титула во кариерата, откако во финалето на турнирот во Индијан Велс го совлада Шпанецот Рафаел Надал со 6:3, 7:6 (5).

Во тај-брејкот Надал поведе со 5:4, но Фриц ги врза следните три поени и со тоа стигна до најголемата победа во кариерата.

24-годишниот Американец го запре Надал на патот кон 37 мастерс титула, а воедно ја прекина неговата серија од 20 победи од почетокот на сезоната.

Фриц е и првиот Американец кој го освои Индијан Велс по Андре Агаси во 2001 година, но и најмладиот шампион по Новак Ѓоковиќ во 2011 година.

– Освојувањето на овој турнир е нешто посебно. Индијан Велс е еден од оние детски соништа што едноставно не мислите дека можат да се остварат – рече Фриц.

Швјонтек ја освои титулата во Индијан Велс