Вдовицата на Џон Ленон, јапонската уметница и активистка Јоко Оно денес има 92 години. Нејзиното семејство вели дека таа ужива во староста на своето „среќно место“, а деновите ги поминува гледајќи во небото и слушајќи го ветрот.

Списанието „Мирор“ соопшти дека новата книга на Дејвид Шеф со наслов „Јоко“ е објавена, а во неа е претставен животот на познатата уметница и вдовица на Џон Ленон.

Во последното поглавје, се открива дека Јоко денес живее на тивка фарма северно од Њујорк. Нејзиниот син Шон и ќерката Кјоко често ја посетуваат, па затоа не е осамена.

– Веруваше дека може да го промени светот и успеа … сега може да биде тивка, да го слуша ветрот и да гледа во небото – рекла нејзината ќерка.

Жената која цел живот се залагала за мир сега, се чини дека денес и самата го пронашла.

Кјото додаде: „Таа е многу среќна, таа е на среќно место. Ова е заслужен и вистински мир“.

Книгата го опишува животот на Јоко од нејзиното раѓање. Таа била родена во богато семејство во  Токио, а во книгата опишани се  и ужасните искуства што ги преживеала за време на Втората светска војна. Покрај тоа, опишано е и нејзиното појавувње на авангардните уметнички сцени во Лондон, Токио и Њујорк. Незаменлив дел од нејзиниот живот е врската и бракот со Џон Ленон, кој имаше големо влијание на нејзиниот живот, но и на групата „Битлси“.

Исто така, синот Шон во биографијата ја пофали својата мајка и начинот на кој таа се борела против неволјите што ја пратеа во текот на нејзиниот живот. Патем, тој сега е задолжен за семејните интереси кои се во сопственост на „Битлси“.

– Таа имаше способност да ги надмине тешкотиите со позитивно размислување. Таа навистина сакаше да го научи светот за тоа. Таа го научи татко ми на тоа. Нема да запре воз во движење или куршум, но мислам дека има нешто длабоко. И мислам дека имаше влијание врз светот“, рече Шон.

Еден од нејзините последни јавни настапи беше во 2017 година кога Националното здружение на музички издавачи ѝ ја додели на Јоко Оно со својата награда.

– Благодарам, многу научив од оваа болест, благодарна сум што поминав низ нешто вакво – изјавила на сцената, но не открила за која болест станува збор.

Наградата ѝ беше врачена за песната „Замисли“ (Imagine), а на сцената беше пуштено видео на кое Ленон вели дека Јоко треба да биде сценарист на хитот бидејќи „текстот и концептот“ потекнуваат од неа. Извршителите потоа и ја доделија и втората награда, а таа рече „Ова е најдобриот период во мојот живот“.

Џон и Јоко првпат се сретнале во ноември 1966 година во галерија во Лондон, кога Јоко се подготвувала за изложба на нејзините дела. На Ленон му се допаднала работата и тие веднаш се поврзале и започнале бурна, а во тоа време и контроверзна романса.

Се венчаа во март 1969 година и набргу потоа, Битлси се разделија, па многу обожаватели ја обвинуваа Јоко за тоа. Таа и Џон потоа работеа заедно на голем број проекти, вклучувајќи музика и движење за мир. По неговата смрт, таа продолжи да го промовира мирот, а исто така одржуваше уметнички изложби ширум светот, објавувајќи музика и настапувајќи во живо се до нејзините осумдесетти.