Селена Гомез за време на неодамнешното појавување на поткастот „On Purpose with Jay Shetty“ призна дека се чувствува огорчено кога луѓето коментираат за нејзината тежина.

Таа истакна дека се соочува со многу критики поврзани со нејзиниот изглед.

“Се трудам да не ги гледам коментарите на интернет, но често не можам да се воздржам и да гледам што велат тие. Никој не се грижи за тоа како изгледаат мажите. Се разбира, мојата тежина е голем фактор. Секој има што да каже. Не би рекла дека ме растажува бидејќи не сум жртва, но мислам дека малку ме огорчува и се чувствувам виновна што го кажав ова, но така навистина мислам”, рече таа.

Пејачката претходно изјави дека лековите што ги зема за нејзината хронична автоимуна болест лупус може да доведат до проблеми со тежината.

“Попрво би била здрава и би се грижела за себе. Лековите ми се важни и верувам дека ми помагаат. Не сум модел и никогаш нема да бидам. Ги читам коментарите и главно се трудам сето тоа да го игнорирам”, рекла Гомез.

@carlyturnersnarls Always the lowest currency if men with the loudest opinions #STFU #allmen ♬ original sound – carlyturnerSnarls

Таа со години се занимава со бројни коментари за нејзиниот изглед, а во многу интервјуа истакнува дека ваквите коментари можат да бидат штетни и ја истакна важноста на менталното здравје и позитивната слика за телото. Гомез се повлече од сцената на врвот на нејзината слава во раните 20-ти години поради нејзиното здравје. Тогаш ѝ беше дијагностицирана автоимуна болест која ги напаѓа органите. Покрај тоа, таа беше подложена на трансплантација на бубрег во 2017 година, кој го доби од нејзината пријателка Франсиа Раиса.

Лековите што ги зема за лупус и трансплантацијата вклучуваат кортикостероиди, кои доведуваат до многу промени во телесната тежина. Селена истакна дека тоа се промени врз кои таа нема никакво влијание. Коментарите за тоа дека е „дебела“, „не изгледа како порано“ или „не се грижи за себе“ станаа вообичаени на социјалните мрежи.