„Со длабока тага и сочувство, изразувам најискрено сочувство до семејствата на жртвите од трагичниот настан во Нови Сад. Оваа несреќа ни ги зближи срцата во заедничка болка, не само поради фактот дека меѓу жртвите има и македонски граѓанин“, напиша денеска меѓу другото премиерот Христијан Мицкоски во Книгата на жалост во Српската амбасада во Скопје.

Мицкоски ја објави содржината на напишаната порака на Фејсбук: „Во име на Владата и на сите наши граѓани, изразувам солидарност и поддршка за српскиот народ и за сите погодени од оваа трагедија. Нашите мисли и молитви се со вас, верувајќи дека соработката и блискоста меѓу нашите народи ќе ни помогнат заеднички да ги пребродиме овие тешки моменти“.

„Секој изгубен живот остава трага во нашето општество, а ние, како Влада, стоиме рамо до рамо со нашите соседи, со надеж дека ќе можеме да го надминеме овој тежок период“ напиша тој.