Денеска од 18.00 часот во СЦ „Јане Сандански“ – Скопје составот на играчите на Владо Недановски ќе го играат третиот натпревар сезонава во СЕХА лигата.

„Црвено-црните“ за противник ќе го имаат Татран Прешов од кој загубија на првиот меч во Словачка со 27:23.

Македонскиот шампион ќе се обиде да се „одмазди“ за тој пораз и триумфира со поголема разлика во обидот да биде првопласиран во групата „Б“.

На табелата Татран Прешов и Вардар 1961 имаат по три бодови, ниту еден Партизан, со напомена дека Словаците и Србите до сега имаат само по еден одигран меч.

Тренерот Недановски очекува многу подобро издание на неговите ракометари во однос на првиот натпревар со Татран Прешов.

– Очекувам и публиката да биде со нас, бидејќи во следните месеци доаѓаат силни, интересни и важни натпревари – вели Недановски.

За мечевите од СЕХА лигата, против Партизан и против Татран веќе се пуштени во продажба билетите, кои може да се купат преку продажната мрежа на MkTickets.