Најмалку 12 лица загинаа, а десет се повредени во сообраќајна несреќа во северниот дел на Мексико.

Автобус кој превезувал пациенти за лекување на хронични болести се превртел во близина на американската граница.

Автобусот го изнајми мексиканскиот Институт за социјално осигурување во пограничниот град Матаморос.

Автобусот ги пренесувал пациентите и нивните роднини во болница во соседната држава Нуево Леон за специјализиран третман.

Педро Гранадос Рамирез, шеф на државниот оддел за цивилна заштита на Тамаулипас, изјави дека несреќата се случила на свиок во близина на граничниот мост во градот Рејноса.

Девет лица, вклучувајќи го и возачот на автобусот, починаа на местото на настанот, а уште три во болницата.