Во последните недели во Косово се регистрирани голем број сообраќајни несреќи, односно за неполни два и пол месеци на патиштата загинале 19 лица, меѓу кои има и деца.

Портпаролот на косовската полиција Бајрам Красниќи за Телеграф изјави дека само во првите два месеца од 2023 година се случиле 18 сообраќајни несреќи со смртни последици, во кои загинале 17 лица.

Во првите денови од март, на автопатот „Ибрахим Ругова“ на излезот Мазгит-Косово Поље се случила уште една фатална сообраќајна несреќа каде загинала една жена, додека последниот случај се случи во петокот во Ветерник, Приштина.

Во текот на јануари и февруари се случиле вкупно 2.729 сообраќајни несреќи.