Видеото на кое Тејлор Свифт, Селена Гомез и Кели Спери разговараат на Златните глобуси предизвика огромен интерес кај корисниците на социјалните мрежи, а многумина се обидоа да сфатат за што точно зборуваат девојките.

Многу брзо се раширија гласините дека тема на разговор биле Кајли Џенер и Тимоти Шаламе. Обожавателите и самопрогласените „читачи од усни“ тврдеа дека Селена им опишала на девојките како побарала фотографија со Шаламе, на што Кајли наводно и рекла – не.

Но, откако видеото за наводното озборување стана вирално, преставник на Селена се обрати на медиумите.

Претставникот на Селена изјави за магазинот „Пипл“ дека таа „воопшто не ги озборувала Тимоти или Кајли“ и дека „не ги видела ниту разговарала со нив“.

Повеќе медиуми, меѓу кои и „Ју-ес тудеј“, објавија дека Гомез никогаш не ги вкрстила патиштата со парот на церемонијата на доделување награди.

„Селена никогаш не отишла кај Тимоти и Кајли и не барала фотографија“, рече изворот за „Ју-ес тудеј“.

ВИДЕО | „Поважно ми е да бидам здрава“: Селена Гомез одговори на критиките за вишокот килограми