Саутгејт повика нов напаѓач, Англија без Стерлинг против Италија и Украина
Овој месец ќе стартуваат квалификациите за пласман на Европското првенство кое ќе се организира во 2024 година во Германија.
Препорачано
Во рамките од квалификациската група „Ц“ ќе играат Италија, Англија, Украина, Македонија и Малта. Потсетување дека нашата А селекција во првото коло на 23 март во Скопје ќе биде домаќин на Малта.
А истиот ден во Неапол на стадионот „Диего Армандо Марадона“ е дербито меѓу Италија и Англија кои се најголемите фаворити за учество на следниот континентален собир. Англичаните три дена подоцна во Лондон на „Вембли“ ќе ги пречекаат Украинците.
Ivan Toney ✅ Trent Alexander-Arnold ❌
BREAKING: Gareth Southgate names his first squad of 2023, as England prepare for Euro 2024 qualifiers against Italy and Ukraine ??????? pic.twitter.com/0TsuT6QoGh
— Sky Sports News (@SkySportsNews) March 16, 2023
Англискиот селектор Герет Саутгејт за дуелот со Италијанците се одлучи да повика нов напаѓач, играчот на Брентфорд, Ајван Тони кој оваа сезона до сега во Премиер лигата постигна 16 голови.
На списокот повикани не се наоѓаат Рахим Стерлинг (Челси), Трент Арнолд Александер и Бен Вајт, десните бекови на Ливерпул, односно Арсенал.
Според Саутгејт, на Стерлинг сигурно ќе смета во иднина, а предност пред Вајт и Александер добиваат Кајл Вокер и Киран Трипие.
Составот на репрезентацијата на Англија –
Голмани: Пикфорд, Поуп, Ремсдејл
Одбрана: Чилвел, Дајер, Геји, Џејмс, Мегвајер, Шо, Стоунс, Трипие, Вокер.
Среден ред: Белингем, Галагер, Хендерсон, Медисон, Маунт, Филипс, Рајс.
Напад: Фоден, Грилиш, Кејн, Рашфорд, Сака, Тони.
