Саутгејт ќе ја води Англија и на дуелите со Македонија на патот кон Евро 2024
Според „Дејли Мејл“, Герет Саутгејт ќе остане селектор на Англија до Европското првенство 2024 што ќе биде следна цел за Англичаните.
Препорачано
Саутгејт шест години е на клупата на англиската репрезентација, а по елиминацијата во четвртфиналето на Светското првенство во Катар не сакаше да дава никакви изјави во врска со својата селекторска иднина.
На негова сметка имаше многу критики по поразот од Франција на СП, иако беше полуфиналист на претходниот Мундијал во Русија и беше финалист на Европското првенство 2024.
Од друга страна, Фудбалската асоцијација, во јавните соопштенија има само пофални зборови за Саутгејт, а јасно беше дека ФА сака тој да остане селектор.
Се очекуваше Саутгејт да се огласи дури на почетокот на следната година, но медиумите сега тврдат дека одлуката е донесена и дека Англија нема да го смени селекторот.
Англија е инаку еден од ривалите на македонската А репрезентација во квалификациите за пласман на следното ЕП 2024. Против Англичаните ќе играме на 19 јуни 2023 на „Олд Трафорд“ во Манчестер и во Скопје на 20 ноември 2023 година. Во нашата квалификациска група се и селекциите на Италија, Украина и Малта.
