Италијанскиот вицепремиер Матео Салвини ја осуди изјавата на турскиот претседател Реџеп Тајип Ердоган за Хамас, велејќи дека таа е „тешка и одвратна“.

Матео Салвини му предложил на италијанскиот министер за надворешни работи Антонио Тајани официјално да го повика на разговор турскиот амбасадор, се вели во нота од кабинетот на вицепремиерот.

Претходно денеска Ердоган изјави дека палестинсската милитантна група Хамас не е терористичка, туку ослободителна организација група која се бори да ја заштити својата земја.

Хамас е милитантна, исламистичка палестинска група. Хамас не ја признава државата Израел и, според сопствените изјави, сака да ја уништи земјата. Европската Унија, САД и некои арапски држави го класифицираат Хамас како терористичка организација.

Хамас е составен од различни воени групации, вклучително и бригадите Касам, кои извршија многу напади и самоубиствени бомбашки напади против Израел во последните години. Организацијата вклучува и политичка партија и хуманитарни групи.

Ердоган го нарече Хамас „ослободителна организација“