Актерката Салма Хаек во неодамнешното интервју за магазинот „Вол стрит“ зборуваше за нејзиниот брак со францускиот милијардер Франсоа-Анри Пино.

И, покрај нејзината импресивна кариера, која ѝ донесе богатство од околу 200 милиони долари, 58-годишната актерка откри дека чувствува одреден „притисок“ да заработи иако е во брак со милијардер и еден од највлијателните луѓе во светот на модата и луксузот.

Имено, Пино е извршен директор на компанијата „Керинг“, која управува со луксузни брендови како „Гучи“, „Сен Лоран“ и „Баленсијага“.

Хаек објасни дека ги држи финансиите одвоени од Пино и додаде дека во голема мера е финансиски независна, но и дека сака да ја зголеми својата нето вредност.

„Јас поддржувам многу аспекти од мојот живот и себеси. Чувствувам притисок да заработам одредена сума пари и тоа ми се допаѓа. И сега решив дека сакам да заработувам повеќе“, рекла Салма и споделила како е да се биде во брак со милијардер.

„Беше возбудливо што не морав да размислувам за пари, а испадна дека сите луѓе сакаа да разговараат со мене за пари. Ми приоѓаат странци кои не се ни пријатели, но мислат дека треба да бидеме пријатели бидејќи и тие се богати“, објаснила таа.

За да ја зголеми својата нето вредност, Хаек изјави дека се занимава со бизнис идеи, но не сака да открие детали за нејзините планови.

За потсетување, Салма и Франсоа се во брак од 2009 година и ја имаат ќерката Валентина Палома, родена во 2007 година, а Хаек често истакнува дека поддршката на Пино била пресудна за нејзината кариера.

Почина мајката на Никол Кидман, актерката ја доби тажната вест еден час пред да ѝ биде доделена важна награда во Венеција