Цената на лососот постојано расте. Оваа риба спаѓа меѓу најчесто консумираните риби во многу земји, а е омилена и во Македонија, цената е околу 1.200 денари, во зависност од видот и местото на купување.

Сепак, лососот има многу слични својства како и некои други, помалку популарни риби, кои се нутритивно многу богати, но повеќе не се во „мода“.

Лососот е лесен за подготовка и многу омилен, особено кај помладата популација.

„Лососот е сина, односно мрсна риба, позната по својата висока содржина на омега-3 масни киселини, кои се клучни за здравјето, а особено за развојот на функциите на мозокот“, објаснува експертот за прехранбена технологија Марио Санчез, објави шпанска „Марка“.

Сепак, постојат и други риби кои далеку поприступачни, а нутритивно не заостануваат зад лососот, дури некои и го надминуваат, а се со значително пониска цена.

„Инчуните и сардините се крајбрежни риби, што значи дека се ловат во близина на брегот, а не на отворено море. Според составот се многу слични на лососот, бидејќи содржат омега-3 масни киселини, и тоа често во уште поголеми количини“, објаснува Санчез.

Додека лососот во просек содржи околу 2,2 грама омега-3 масни киселини на 100 грама, сардините и инчуните неретко имаат и повисока содржина.

Покрај нив, и скушата и осличот се риби кои имаат слични нутритивни својства, но се продаваат по значајно пониски цени. Инчуните и сардините се во просек половина од цената на лососот, а главната причина за тоа лежи во начинот на кој се лови рибата и нејзиното географско потекло – локалниот крајбрежен улов е поевтин и поедноставен во споредба со увозот на лосос од далечни морски области.