Ако сакате да издржите подолго во кревет, постојат неколку начини кои можат да ви помогнат да успеете.

Дефинициите за предвремена ејакулација се различни. Американското здружение за урологија наведува дека во секое време мажот ејакулира порано отколку што би сакал тој или неговата партнерка. Други организации одредуваат конкретни временски рамки. На пример, Меѓународното здружение за сексуална медицина сугерира дека ејакулацијата во рок од една минута по пенетрацијата може да се квалификува како предвремена ејакулација, според „Медикал Њуз Тудеј“ (Medical News Today).

Комуникацијата е клучна. Разговорот помага да се создаде порелаксирана атмосфера. Секако, секогаш треба да бидете искрени за предвремената ејакулација. Признајте дека имате проблем и дозволете му на партнерот да ви помогне да се опуштите.

Здравиот начин на живот е исто така важен. Намалете ја потрошувачката на алкохол, престанете да пушите, вежбајте редовно и јадете добро. Медитацијата, јогата и сличните техники можат да ви помогнат да се справите со стресот.

За некои луѓе предиграта може да помогне во продолжување на сексот. Покрај тоа, вежбите за зајакнување на мускулите на карличниот под може да бидат корисни. Кога уринирате, застанете пет или десет секунди и потоа почнете повторно да мокрете. Повторувањето на ова неколку пати секој ден може да ја зголеми вашата издржливост во кревет.

Можете исто така да го испробате методот стоп-старт. Тоа значи прекин на сексуалната стимулација непосредно пред оргазам. Почекајте малку, а потоа започнете со стимулација повторно.

Меѓународното здружение за сексуална медицина наведува дека и жените може да го доживеат проблемот со предвремен оргазам. Горенаведениот метод може да биде корисен и за нив.

Ако ништо од горенаведените совети не помага, одете на психотерапија. Освен тоа што ќе ја открие причината за проблемот, психотерапевтот може да препорача и други вежби прилагодени на вас.